មើលមួយភ្លែតស្មានតែនៅជប៉ុន! ឡូយណាស់ ផ្កាស្មៅ នៅសំឡូត ខេត្តបាត់ដំបង រីកឡើងស្រស់បំព្រង ថតរូបដឹងតែស្អាតកប់!

បាត់ដំបង៖ ជាការពិតណាស់ នៅតាមបណ្តាខេត្តក្នុងព្រះរាជណាចក្រកម្ពុជាយើង មានទីកន្លែងកម្សាន្តស្រស់ស្អាតជាច្រើនទាំងផ្នែកសម្បត្តិប្រាសាទបុរាណ និងទីកន្លែងបែបធម្មជាតិច្រើនរាប់មិនអស់។

ជាក់ស្តែងនៅក្នុងខេត្តបាត់ដំបង ជាទឹកដីដ៏ចំណាស់មួយ ដែលឆ្លងកាត់ច្រើនសម័យកាល និងបានបន្សល់ទុកនូវសំណង់បុរាណដូចជាសម័យអនាគមនិយមបារាំង រួមទាំងព្រៃភ្នំ ទឹកជ្រោះស្រស់ស្អាតជាច្រើនអនេក។

ហើយកាន់តែពិសេសនោះ ថ្មីៗនេះរូបភាពដ៏ស្រស់ស្អាតប៉ុន្មានសន្លឹក មើលមួយភ្លែតស្មានតែសួនផ្កានៅប្រទេសជប៉ុន បានអន្ទងអារម្មណ៍អ្នកលេងហ្វេសប៊ុកមានចិត្តពុះកញ្ជ្រោលចង់ទៅលេងភ្លាមៗតែម្តង ដោយសួនផ្កាដែលមើលច្រលំស្មានតែស្រុកគេ ការពិតគឺជា ផ្កាស្មៅ នៅស្រុកសំឡូត ខេត្តបាត់ដំបងខ្មែរយើងសោះ។

គួរឱ្យដឹងផងដែរថា ផ្កាស្មៅនេះដុះនៅលើដីទំនេរចោល មួយកន្លែងនៅតាមដងផ្លូវទៅកាន់ទឹកធ្លាក់ ថ្មដាចំការធុរេន សំឡូត ដោយចូលតាមផ្លូវភ្នំចំបាំងចម្ងាយប្រហែល២គីឡូខាងស្ដាំដៃ។ ប្រសិនជាចង់ថតរូបស្អាតអ្នកអាចមកលេងនៅពេលព្រឹកព្រលឹម៕

អត្ថបទរក្សាសិទ្ធ៖ ក្នុងស្រុក

ប្រភពរូបភាព៖ So Neang

61643519_445779519332045_3228556208080158720_n

61679349_445779202665410_7882433824854900736_n


61684950_445779462665384_4426617797493129216_n

61709892_445779409332056_5311762380550569984_n

61744955_445779335998730_7083633808322330624_n

61758597_445779295998734_8954647439361441792_n

61816352_445779369332060_45578635326783488_n

61911369_445779232665407_2521568371699351552_n

62088451_445779445998719_1827200244450852864_n

62240543_445779262665404_91262591841599488_n